موضوعي ايخبل وربي ادخلو وشوفو الولد اشلون مظلومين
السلام عليكم ورحمه الله وبركاته
موضوعي اليوم غير كل المواضيع
يختلف عن كل المواضيع
انه ليs رومانسي
ولكن انه يكشف تفاصيل عيش
الشباب وعيش البنات
دائما يتهم الشاب من قبل البنت
على انه احسن منها وعايش حياته
ويقدر يدخل ويخرج واي شي يقدر
ايعمله والبنت تطلع المظلومه
وعدها هموم الكون كلها ومحرومه من ابسط حقوقها ..
لكن بعد تجارب والتحليلات التي
عملتها بنفسي والشبه مستحيله
قد تبين ان البنت تعيش احين من
الشاب بهوااااااااااااااااايه وكلش
حياتها حلوه وتمارس حقوقها
احسن من الشاب . والشاب هو
المظلوم والمحروم والواكع بيها دائما ....
وذلك من خلال الاستنتاجات التاليه ..
1-البنت كلشي متدفع لابوها ولا لخطيبها . هم بركبتهم كلشي من اول متنولد لحد ما تموت ( بعد الشر ) اكو من يصرف عليها
2-البنت تحجي براحتها بالموبايل واذا يعجبها اتخلص اربع كارتات باليوم ولازم الطرفين اعلاه ايدفعون
3-بيوم العرس محد ينظر على ملابس العريس كلهم اينظرون على بدله العروسه ( وهذا ظلم )
4- لو مرت بسيطرة وشافها ابو الحرس اكيد راح ايمشيها . بس لو الشاب ميخلي مكان ميفتشه بي حتى بالجواريب ايفتش
5-بالعيد اذا ما انطت عيديه لابن اختها الصغير مراح يحجون عليها ويكولون زوجها بخيل
اما الشاب فراح ايكولون هذا بخيل مينطي من روحه ظامهن لفلوسه المن ظامهن قابل تاخذهن وياك من اتموت
6- بالكليه اذا اتاخرت على المحاضرة الدكاترة يتسامحون وياها ويدخلوها بس لو الشاب يرزلو ويطردو ويكلوله روح كمل شغلك برة علويش اجيت واذا اجيت مرة ثانيه اكسرها لرجلك
7-البنت اذا فد يوم معجبتها خلقتها تغيرها بالمكياج .. الشاب ميكدر ايسوي هيج شي طبعا
8-البنت تشيل غراضها على جتفها ( سكيورتي 200% ) بينما الشاب بمحفظه صغيره بجيبه الوره ( قابله للخمط بسهوله تامه )
9-لو تعاركت ويه ابوها مراح يكدر يطردها من البيت وراح تبجي شويه وينكسر كلب ابوها عليها وهو راح يجي ايصالحها . بس لو الشاب يكوله بره البيت روح شوفلك مكان اتنام بي بررررررررررررررررره
10-اما عن تدليع البنات ... من اول ميجون للدنيا لحد ميموتون ( اسم الله عليهم )
عمرها سنتين ( كتكوته ) 5 سنوات ( عسوله ) 10 سنوات ( فدوه لله )
20 سنه ( حبيبت ماما وبابا ) 25 سنه ( انسه ) 30 سنه ( سيده )
40 سنه ( مدام ) 50 سنه ( ست الكل وامنه كلنه ) 60 سنه ( حجيه ) اما الشاب ...
5 سنين ( زعطوط ) 10 سنين ( لك
عمو انت بعدك اصغير ) 20 سنه
( اشطولك بعد اتصير مو صرت
بطول النخله ) 30 ( ابو كويظم )
40 سنه ( حجي ) 50 سنه ( شايب )
ها بنات شفتو احنه اشلون مظلومين ؟؟ وتحجون علينه
حسو بينه يمعودين
اتمنى يعجبكم موضوعي
الأحد نوفمبر 27, 2011 5:46 pm